172. ЛЕТОПИСЬ ГРАБЯНКО. ХАРАКТЕРИСТИКА БОГДАНА ХМЕЛЬНИЦКОГО

172. ЛЕТОПИСЬ ГРАБЯНКО. ХАРАКТЕРИСТИКА БОГДАНА ХМЕЛЬНИЦКОГО

«История Украины в документах и материалах», т. III, Академия наук УССР, 1941.

Муж поистинне имени гетманского достоин, много дерзновен в бедствия входити, множае советен в самих бедствиях бяше, в нем же ни тело коими либо труди изнуренно, ни благодушество противними навет побежденно быти можаше; мраза и зноя терпение равно, пищи и пития ни елико непотребное иждивение, но елико естеству довлеяше толико вкушаше, сном ни в нощи, ни во дни побеждашеся; аще же когда от дел и упражнения воинского времени избываше, тогда мало почиваше, и то не на многоценнех одрех, но на постели яже воинскому мужу приличиствует; спящи же паки не печашеся, дабы уединенное коему место изберати, но и между немалим воинским кличем, ничто же о том радящи, з тихостию сна приимаше, одеяние ничим же от прочих разнствующее; оружие точию и кони мало что от инних лучшее; мнози многажди его воинским плащем покровенна между стражми от труда изнемогоша почивающа созерцаху; первий на брань, последний по уставшей брани исхождаше. Сицевия и сим подобния в нем добродетели разсуждающе, что дивно есть внести, яко победителем и страшилом ляхов сосворися, иже сладостей мирским, всецело себе вдавше, воинских дел и обучений весьма устранишася…