66. ВОССТАНИЕ В ТВЕРИ ПРОТИВ ТАТАР В 1327 г:

66. ВОССТАНИЕ В ТВЕРИ ПРОТИВ ТАТАР В 1327 г:

Одно из наиболее известных восстаний против татар произошло в 1327 г. Возмущенные насилиями татар, тверичи истребили их в городе, после чего золотоордынский хан собрал большое войско и разорил Тверь, заставив тверского князя Александра Михайловича бежать в Псков. Интересный рассказ о восстании помещен в «Тверской летописи» («Полное собрание русских летописей», т. XV, Летописный сборник, именуемый тверскою летописью. СПБ 1863).

В лето 6834[88] сентября 15, убиша в Орде князя великого Дмитреа Михаиловича Тверского да князя Александра Новосилского, единого дни, на едином (месте), на реце нарицаемыи Кондракли.

Того же лета заложиша на Москве церковь Успение святыа Богородица. Того же лета князю Александру Михалковичу дано княжение великое, и прииде из Орды, и седе на великое княжение. Потом, за мало дний, за умножение грех ради наших, богу попустишу диаволу възложити злаа в сердце безбожным татаром глаголати безаконному царю: «аще не погубиши князя Александра и всех князей рускых, то не имащи власти над ними». И безаконный, проклятый и всему (злу) началник Шевкал, разоритель хрисгианскый, отврьзе уста своа скврьняа, начать глаголати, диаволом учим: «Господине царю, аше мы велиши, аз иду в Русь, и разорю христианьства, а князи их йзбию, а княгини и дети к тебе приведу». И повеле ему царь сътворити тако. Безаконный же Шевкал, разоритель христианьскый, поиде в Русь с многыми Татары, прииде на Тверь, и прогна князя великого с двора его, а сам ста на князя великого дворе с многою гордостию; и въездвиже гонение велико над христианы, насилство(м), и граблением, и бие(ние)м и поруганием. Народи же, грьдостию повсегда оскрьбляеми от поганых, жаловахуся многажды великому князю, дабы их оборонил; онь же, видя озлобление людий своих, не могый обороните, трьпети им веляше; и сего не трьпяше тверичи, и искаху подобна времени. И бысть в 15 день месяца августа, в полуутра, како торг снимается, некто диакон, тверитив, прозвище ему Дюдко, поведе кобилицу младу и зело тучна пойти на Волзе воды; татарове же видевше, отъяша ю. Диакон же сжаливси, и зело начат въпити, глаголя: «О мужи тверьстии, не выдайте!» И бысть межу ими бой; татарове же, надеющеся на самовластие, начаша сечи, и абие стекошася человеци, и смятошася людие, и удариша в колоколы, и сташа вечием, и поворотися весь град, и весь народ том часе събрашася, и бысть в них замятия, и кликнуша тверичи, и начаша избывати татар, где кого застронив, дондеже и самого Шевкала убиша и всех поряду. Не оставиша и вестоноши, разве еже на поли пастуси коневии пасуше, и похватиша лучший жеребци, и скоре бежаша на Москву и оттоле в (О)рду, и тамо възвестиша кончину Шевкалову.