107. ОТМЕНА КОРМЛЕНИИ (1556 г.)

107. ОТМЕНА КОРМЛЕНИИ (1556 г.)

Никоновская летопись. «Полное собрание русских летописей», т. XIII, стр. 267.

Лета 7064 (1556) года, сентября 20 дня, царь и великий князь Иван Васильевич всеа Русии з своею братиею и з боляры приговорил о кормлениях и о службе всем людем, как им вперед служити; а по се время князи, бояры и дети боярские сидели по кормлениям, по городам и по волостем, для росправы людем и всякого землям устроения, и собе от служеб для покоя и прокормления. На которых городех и волостех были в кои лета наместники и волостели, тем градом и волостем росправу и устрой делати, а от всякого их лиха обращали на благое, а сами были доволны оброкы свои и пошлинами указными, что им государь уложил.

И вниде в слух благочестивому царю, что многие грады и волости пусты учинились, наместники и волостели изо многых лет, презрев страх божий и государьскые уставы, много злокозненых на них дел учиниша, и не быша им пастыри и учители на благое, но сотворишася яко волпи гонители и разорители; тако ж тех градов горожане и волостей мужики многия коварства и убивсгва людем содеяша, и как сойдут наместники и волостели с кормления, и мужики многими иски отыскивают, и много в том кровопролития и осквернениа душам содеяша, их же не подобает в христианском законе ни слышати. Многие наместники и волостели и старого своего стяжания лишишася, живота и отчизны избыша. Царю же благочестивому обычай есть, да начало его премудрости страх господень будет и да во всем перед богом чиста себя соблюдает, оаавя свои царские вся потели, тщится по христе волю его сотворити во всем и порученные ему царства соблюсти, и устроити подобающую правду, и оборонити от всех иноверных басурман и латин.

Повеле царь и государь во городах и волостях разчинити старосты, и сотцкщз, и пятидесятцкие, и десятцкие, со страшным и грозным запрещением заповедь положити, чтобы разсуждати в разбоях и тагьбах всякие дела, и отнюдь бы никоторая вражда не именовалася, также ни мзда неправедная, ни лживое послушество. А на кого промеж себя такого лиха найдут, таковых велел казнем предавати; а на грады и волости положити оброки по их промыслам и по землям, и те оброки збирати в царскую казну свою дьяком; а бояр, детей боярских и всех воинов устроил кормлениями праведными уроки, ему же достоит по отечеству и по дородству, а городовых в четвертый год, а иных в третий год денежьным жалованием.