132. О ПСКОВСКОМ ВОССТАНИИ (1609 г.)

132. О ПСКОВСКОМ ВОССТАНИИ (1609 г.)

«Повесть о восстании в Пскове» рассказывает о борьбе между «лучшими» и «молодшими» людьми в 1609–1610 гг. Автор «повести» — сторонник «молодших» людей («Полное собрание русских летописей», СПБ 1848, т. IV, стр. 325–327).

ПСКОВ ПЕРЕХОДИТ НА СТОРОНУ ЛЖЕДИМИТРИЯ II

Во 117 году, в самый Семень день, бысть великое волнение в мире и развращение, подобно бури восколебашася яко пьянии, и сказаша, что немцы на Устьи у Николы, а прощаются во Псков, а стрельцы псковские за городом с Плещеевым, а кои в городе немногие стрельцы и дети боярские и посадцкие люди и всяких чинов в осаде не хотят сидети и поселяне, а немногие люди от игумнов и попов и больших и средних людей хотят сидети.

И безумнии человецы, без совету всех и без ведома, Великие ворота отворили и за городом в Поли у Алексея человека божия многие крест поцеловали, и в город впустили ратных Плещеевых в Семень день, об вечерни, а людишка худые стрельцы и подым-щина, немногие ратные люди; а Плещеев Федор и с ним дети боярские всех розных городов, назавтрее, сентября во 2 день, целовали крест царевичу Дмитрию Московскому. А выпустили из тюрмы 400 человек и болши детей боярских Северских городов и всяких людей, и напоили и накормили и одели; и в таборы пошли под Москву. Пришли казаки с Иваня-города донские 300; пришли посылка из Новгорода и бояре и казаки за 15 верст в Кляпа и услышали, что Псков целовал крест, и бой поставиша, половина во Псков, а другая в Новгород поидоша под Новгород всякие ратные люди. А Плещеев во Пскове воеводой. Послаша под Москву в таборы с повинной, и приехаша воеводы, Александра Засекин и пан Андреян Троянов православныя веры, и дьяк Иван Луговской добрый муж в разуме и в сединах; потом приеха Бегичев; и поймал казны много гостиной. Потом была поголовщина. И того же лета посылали на службу детей боярских новгородцких и псковских много, и оне срок выпрошали до Николина дни вешняго; а ехати было им на Луки Великие.

ПОЖАР В ПСКОВЕ

Того же году, майя в 15 день, загорелося на Полонищи у Успенья Богородицы, кисель варили, и погоре град весь; и Живоначальные Троицы дом и Крем, и зелием вырвало обе стены на Великую реку и на Пскову реку, и наряд весь сгорел, и башни и роскаты и врата градцкие все просты выгорели, зелие и оружие все сгорело у всяких людей.

Тогда дети боярские новогородцкие и псковские выехали в Новгород. На четвертый день по пожаре приидоша новгородцы и псковские и с немцами, и много шкоты учиниша к слободы стрелецкой в нощи приступали за Мирожею и отбилися стрелцы; и пришедши Завеличье выжгли, и храм пречистые Богородицы и прочий церкви на Завеличьи, и коров отгнали.

БОРЬБА МЕЖДУ «БОЛЬШИМИ» И «МЕНЬШИМИ» ЛЮДЬМИ В ПСКОВЕ

Во 117 году на Иваньгород и на Яму, и на Копорью нашествие новгородцев с немецким войском: и по челобитью из тех городов псковичи послаша три станицы казаков оберегати, и там будучи немец побивали и обогатеша многими побоищами, и быша там два годы до Олисовского, атаман Иосиф да Агафон Мощи. Того же году много смуты было и кровопролитие по правде и по неправде; иные воровством, продажами и посулами, а иные простотою ничим невинны, а того зла не делали, и смотря на тех прикликивали и многих перемучили; а кто молвит про то, что неповинно мучат, и того прихватят глаголюще: «и ты такой же, за изменника стоишь». И у Петра и у Павла на Бую полату полну насажали всяких людей; и те люди, кои в полате, образ заветной построиша Иоанна Богослова и написали сорокоустные памяти, а имена немногих писали, Тимоху стрелца и иных полдесятка; и в поповскую избу приносили, и бога молили за их здравие священники за просвиромисанием. Августа в 18 день поведоша казнити стрелцы Алексея Хознна своим самоволством, и божиим строением поднялися всякие люди, болшие и меншие, и те же кои прикликивали в неведоме на своих же, корыстовалися и посулы имали и людей продавали, и на стрелцов, что без городцкого ведома владети хотят и казнити ведут не со всех думы, сами умысли, самоволием улучаючи, а Псковом того не ведают, и напустили на них, хотяще отъяти Алексея у стрелцов; а стрелцы со оружием; и зазвониша в колокол на Романихе, и промчеся слово, что стрелцы псковичь стреляют, и поидоша на них всякие люди посадцкие, а стрелцы ухватя Алексея Хозина, у Великих ворот главу ему отсекоша и за город побежаша от псковичь в слободу свою, во Егорьевские ворота; и псковичи город заперли от стрелцов, и бысть волнение болши старого, тюрьмы роспустиша. И воссташа игумны и священники, и большие все людие, и бояре на Тимошку и на иных кликунов, на семи человек, и побиша их камением, и всех менших людей называючи кликунами и неповинных: и сташа священники пытати на пытке накрепко во всегородной избе, а иных по торгом кнутьем бити, а 10-ти человеком головы, отсекли и в ров вметаша, и винным и неповинным, и хотеша многих казнити; и нецыи от народа возбраниша им от пролития крови и насажали полату мелких людей полну, а иные розбежалися по пригородом и по селом от убийства их; чтобы им мочно, и оне бы многих побили и с Новым городом и с немцами соединилися заодно. И потом многи крови от них быша мелким людем, и стрелцом, и казаком, ищучи как бы им изменити мочно и царю Василию приступити.