Соборное уложение 1649 г.

Глава 1

А в ней 9 статей о богохульниках и о церковных мятежниках

1. Будет кто иноверцы, какия ни буди веры или и русский человек, возложит хулу на Господа Бога и Спаса нашего Иисуса Христа, или на рождьшую Его Пречистую Владычицу нашу Богородицу и Приснодеву Марию, или на честный крест, или на святых его угодников, и про то сыскивати всякими сыски накрепко. Да будет сыщется про то допряма, и того богохульника обличив казнити, зжечь.

2. А будет какой бесчинник пришел в церковь Божию во время святыя литургии, и каким ни буди обычаем божественныя литургии совершити не даст, и его изымав и сыскав про него допряма, что он так учинит, казнити смертию безо всякия пощады.

3. А будет кто во время святыя литургия и в ыное церковное пение вшед в церковь Божию учнет говорити непристойные речи патриарху, или митрополиту, или архиепископу и епископу, или архимариту, или игумену и священническому чину, и тем в церкви божественному пению учинит мятеж, а государю про то ведомо учинится, и сыщется про то допряма, и тому бесчиннику за ту его вину учинити торговая казнь.

4. А будет кто пришел в церковь Божию учнет бити кого ни буди и убьет кого до смерти, и того убойца по сыску самого казнити смертью же.

5. А будет ранит, а не до смерти убьет, и ему учинити торговая казнь без пощады и вкинути в тюрму на месяц, да на нем же взяти раненому за увечье бесчестье вдвое.

6. А будет такой бесчинник кого ни буди в церкви Божии ударит, а не ранит, и его за такое бесчиние бити батоги, да на нем же взяти тому, кого он ударит, бесчестие.

7. А будет кого обеспечит словом, а не ударит, и его за бесчинъство посадити в тюрму на месяц. А кого он обесчестит, и тому доправить на нем бесчестье, чтобы на то смотря, в церкви Божии никакова бесчинъства не было.

8. А в церкви во время церковного пения государю царю и великoмy князю Алексею Михайловичю всея Русии, и великому господину святейшему Иосифу патриарху Московскому и всея Русии, и митрополитом, и архиепископом, и епископом, никому ни о каких своих делах не бити челом, чтобы от того в церкви Божии церковному пению смятения не было, понеже церковь Божия устроена приходити на молитву. И православным христианом подобает в церкви Божии стояти и молитися со страхом, а не земная мыслити.

9. А будет кто, забыв страх Божий и презрев царьское овеление, учнет ему государю, или патриарху, или иным властем в церкви Божии во время церковного пения о каких своих делах бити челом, и того челобитчика за то вкинуть в тюрму, на сколько государь укажет.

Соборное уложение 1649 г. Л.: Наука, 1987. С. 18—24.