1.4.1. Ко Господу Богу, во время брани против супостатов, находящих на ны

We use cookies. Read the Privacy and Cookie Policy

1.4.1. Ко Господу Богу, во время брани против супостатов, находящих на ны

Господи Боже сил, Боже спасения нашего, Боже, творяй чудеса Един, призри в милости и щедротах на смиренныя рабы Твоя, и человеколюбно услыши и помилуй нас; се бо врази наши собрашася на ны, во еже погубити нас и разорити святыни наша. Ты же, вся ведый, веси, яко неправедно восташа на ны, яко не возможем мы противостати множеству их, аще не Ты явйши помощь нам. Темже грешнии и недостойнии в покаянии со слезами молимся Ти:

помози нам, Боже, Спасителю наш, и избави нас славы ради Имене Твоего, да не когда рекут врази наши: Бог оставил есть их, и несть избавляяй и спасаяй их; но да уведят вси языцы, яко Ты Бог наш и мы людие Твои, под державою Твоею всегда хранимии. Яви нам, Господи, милость Твою и да приложатся к нам словеса, реченная Моисеем к людем израильским: дерзайте, стойте и узрите спасение от Господа, Господь бо поборет по нас. Сотвори с нами знамение во благо, яко да видят ненавидящий нас и православную веру нашу, и посрамятся и смирятся. Ей, Господи, Боже Спасителю наш, крепосте, и упование, и заступление наше, не помяни беззаконий и неправд людей Твоих и не отвратися от нас гневом Своим, но в милости и щедротах Твоих посети смиренныя рабы Твоя, ко Твоему благоутробию припадающыя.

Возвесели сердца наша о милости Твоей, и укрепи нас силою Твоею; востани в помощь нашу и разрушй лукавые советы мыслящих нам злая; суди обидящыя и побори борющыя ны, и обрати нечестивое дерзновение их в страх и бегство; воинству же нашему, на Тя уповающему, подаждь во мнозем дерзновении и мужестве погнати и постигнута их, и о Имене Твоем победити; а имже судил еси, положити на брани души своя за веру и Отечество, тем прости согрешения их, и в день праведнаго воздаяния Твоего воздай венцы нетления. Ты бо еси заступление, и победа, и спасение уповающым на Тя, и Тебе славу возсылаем, Отцу, и Сыну, и Святому Духу, ныне и присно, и во веки веков.

Аминь.

Данный текст является ознакомительным фрагментом.