Приложение I Память по Румянцевскому списку[913]

Приложение I

Память по Румянцевскому списку[913]

Памет<ь>. Князя[914] Ивана Юр<ь>евичя Мстисловсково были бояре болшие[915]: Светител, да боярин[916] Поцолт, да боярин Олгиш[917], да[918] боярин Степан Есманович, Ивана Роевсково отец. Да пятое[919] место[920] княз<ь>[921] Лев, княз<ь> Васил<ь>ев да княз<ь> Иванов Мамаев, да княз<ь> Михаилов, да княз<ь> Федоров Глинских отец; место ему[922] з бояры было[923] в столе, а боярства не дослужился. И поместье //. за ним[924] было во Мстисловле селцо Ходосово, что ныне за княж[925] Михаиловым[926] боярином за Михаилом[927] за Суходолским[928].

А[929] как преставился княз<ь> Иван Юр<ь>евич Мстисловской[930] на[931] службе в Киеве[932], и тот[933] княз<ь> Лев Глинской понял дядину Иванову Раевсково Гаврилову жену Мелешковича[934], после княж Ивановы смерти Юр<ь>евича поехал[935] изо Мстисловля в Литву служити. И[936] в Литве с нею прижил четыре сына: княз<я> Васил<ь>я да княз<я> Ивана Мамая, да княз<я> Михаила, да князя Федора. И[937] служил тот княз<ь> Лев Глинской[938] по паном по литовским и[939] з детми своими.

И как послал корол<ь> Александр Лито // вара[940] послом в Немцы, и Литовар тово[941] княз<я> Михаила Глинсково взял с[942] собою в Немъцы и дал ево[943] учити[944] в Немъцах тамошнему[945] языку немецкому и грамотам. И там в Немцах княз<ь> Михаило Глинской веры своей русскои отступился и научився в Немцах княз<ь> Михаило Глинской языком немецким и грамотам, и приехал в Литву служити. И[946] корол<ь> Александр взял князя Михаила Глинсково к собе во двор служити, и у[947] короля Александра княз<ь> Михаило во[948] дворе служил, и у послов у немецких толмачил[949] и грамоты //. перед королем чел. И дослужился у короля у Олександра[950] дворового морщалства[951]. Коли корол<ь> Александр пойдет к церкви или от церкви, и княз<ь> Михаило Глинской перед королем детеи боярских розбивает.

И брат<ь>ю свою князя Васил<ь>я да князя Ивана Мамая[952] да князя Федора[953] Глинских х королю Александру приказал.

А после короля Александра смерти сел на государьстве на Литовском брат ево корол<ь> Жидигимант[954], и князь Михаило Глинской з[955] братею своею[956] убил короля[957] Жидигиманта[958] и[959] боярина ево Яна Березинсково[960], и казну // ево всю поимал. И от короля[961] Жидигиманта[962] из Литвы з братею[963] к Москве бежял[964]. И иново пути Глинским тово лутче не ведаем.

А у великие книини в столе сидели боярони Мар<ь>я Григор<ь>ева жена[965] Федоровича. А коли Мар<ь>и нет, ино сидела Орина Юр<ь>ева жена Захарича[966]. А от них сидела Олена да Огрофена Челяднины[967].

А Глинсково[968] книини Анна[969] сидела в кривом столе, да книини Настас<ь>я Мамаева сидела[970] в кривом же столе. А не сиживала у них // Огрофена Волынсково. А сидела у них в заседках в кривом же столе любо[971] Иванова жена Трет<ь>якова Овдотья, а либо Нехожево[972] книини Огрофена.

А коли Мар<ь>и нет тут[973] и Орины Юр<ь>евы, ино[974] сидела книини Анна да книини Настас<ь>я от Олены да от Огрофены от Челядниных[975] в кривом же столе.

А коли ся[976] приведет в[977] празник стояти, а воидет княз<ь> велики или митрополит или уделныя князи, и Глинския стояли в другои лавке. А з бояронями в ряду не стояли. А коли за обычаи сидят, а войдет // княз<ь> велики[978] Василеи, и оне сидели[979] ниже всех боярын<ь>.

А коли родился княз<ь> Юр<ь>и Васил<ь>евич великово князя сын, и толды болшой наряд был, а боярон<ь> много было. И толды была верхняя лавка, а в верхней лавке сидели в болшом месте Челяднины Олена да Огрофена[980]. А Глинские книини Анна да книини Настас<ь>я сидели[981] конец стола.